MeRrY ChRiStMaS~

 首先要同大家講聲 Merry Christmas~呢兩個 week 做左好多0野呀! 去左睇黃子華 talk show"愈大獲愈快樂", 好正呀，好好笑，全部都好頂瘾~最好笑係"係啦定理"同埋"好呀法則"!  跟住就係睇左三套戲，分別係"投名狀"，"I am Legend" & "蜜蜂電影"~ 最好睇既竟然係"蜜蜂電影"，勁白痴，但係又超好笑，可能咁先0岩我......

再講下參加兩個 X'mas Party 所抽到既禮物，係公司就抽到罐茶葉，都算係咁啦...冇 阿x 送既騎呢野......幾驚會抽到米或者鹽......同"雞肋部"所攪既 party 就抽到路卡既禮物，係earphone 黎架，都幾0岩用，最終路卡被在場人士選為"最唔環保得主"，要捐一百蚊去綠色和平......好攪野......

Christmas 突然去左睇劉德華演唱會，$480 飛仲要係第四行，唔睇真係對唔住自己.......劉德華真係好大隻，好靚仔，最開心同興奮就係我同佢握左兩次手，第二次佢仲係望住我tim 呀!!!   我突然心跳加速，返到屋企心情都唔能夠平復，不停諗住同佢握手個一幕，佢隻手好大隻，好溫暖架~~就係因為太興奮而不停狂嗌既關係，返到屋企個喉嚨勁痛!!但都值得既，好開心影到下面d 相~遲d 仲會去睇第二次架~

My 2nd Sponsored Child

呢個就係我第二個助養既小朋友啦～佢叫做Mohammed, Ripon Sajib, 住係孟加拉，今年四歲咋，鍾意踢足球，係咪好可愛呢？我已經收到兩個小朋友寄比我既聖誕卡啦，以下係其中一張，係一隻船黎架，仲要填上左我最鍾意既紫色，好開心！

到講下新工作既野啦，上星期一就試過十一點半鐘離開公司，係Quarry Bay 搭的士返屋企，原來要＄３ｘｘ，　好彩唔駛自己比～　發覺外資同本地既分別真係好大，無論係structure, culture, staff 都好唔同，以前間公司真係好適合退休．．．黎左唔夠一個月就去左新公司係Four Seasons攪既annual dinner, , 但我又唔覺得D 野特別好食，只知道成晚都冇得坐，要企係度食野，　冇辦法，太多外國人，佢地鐘意cocktail形式，企係度飲下酒吹下水，加上今年既theme 係70's Disco Night, ｄ外國人扮到鬼火咁靚係度跳舞，都幾得意～

黎緊要開始買好多聖誕禮物，好期待christmas~

Disney Land @ Christmas

哈哈～～又去左　Disney Land 啦，今次既 theme 係Christmas~唔同既地方係ｄCharacters 既服裝好特別，仲有飄雪同埋ｄ煙花好靚，因為有特制既眼鏡，所以ｄ煙花全部變哂做雪花，好特別好靚！！我仲同左Stanta Claus 影相tim 呀～

剛從泰國返港，實在太忙了，還沒有時間整理相片，又要收拾心情迎接新工，又要準備HKICPA 的事宜，還有一連串的活動，實在透不過氣來~ 講返 Thailand trip, 簡直就係 shopping 豪華團，出入都搭的士，仲要瘋狂購物，勁做 spa,  d野實在太平啦，spa 實在太舒服， 返到香港都好掛住，好彩今次係去 Thailand, 唔係去Japan, 如果唔係肯定破產都有份。

上星期去了海洋公園哈囉喂，實在太好玩太刺激啦~~!!好多鬼都好恐怖，但係又好好笑，最攪笑係路卡成日失驚無神大嗌同跑，嚇到我地幾個女仔鬼咁驚~下年都應該會再去呀~而星期六去左睇 EASON concert, 好好睇呀~雖然佢d 服裝"騎呢"左小小同個 rundown 都怪左小小，但係佢唱歌搭夠，不過佢一路跳舞同唱歌就好似冇咁好聽啦......黎緊仲有好多 show 要睇，有Jay concert, Andy Lau concert, 萬千師奶賀台慶，仲有黃子華talk show~仲有好多 celebration 同 gathering, mexican food,BBQ, 煮私房菜，影畢業相，真係好期待呀~~!